ជីវិតនៅក្នុងសង្គម យើងមិនអាចគេចផុតអំពីការរាប់អានមិត្តភក្ដិឡើយ។ ប៉ុន្តែអ្នកខ្លះដែលចូលមកក្នុងជីវិតយើងតែបន្តិចក៏ចេញទៅវិញក៏មាន ចូលមកហើយភ្លឹបភ្លែតដូចអំពិលអំពែកក៏មាន ហើយខ្លះក៏ចូលមករស់នៅក្នុងជីវិតរបស់យើងរហូតក៏មាន។ ដើម្បីស្វែងរកមិត្តល្អ លោកអ្នកអាចសិក្សាស្វែងយល់អំពីភាពខុសប្លែកគ្នារវាងមិត្តល្អ និងមិត្តក្លែងក្លាយដូចខាងក្រោម៖
១. គាំទ្រអ្នករាល់គ្រប់ឆន្ទៈនៃការធ្វើអ្វីមួយ
មិត្តល្អរបស់អ្នកពិតប្រាកដនឹងតែងតែលើកទឹកចិត្តអ្នកនូវអ្វីដែលអ្នកចង់ធ្វើ ទោះបីជាទាក់ទង នឹងការសប្បាយរីករាយ ផ្លាស់ប្ដូរអាជីពរបស់អ្នកក្ដី មិត្តល្អតែងតែនៅក្បែរអ្នកជានិច្ច។
២. ពេញចិត្តបុគ្គលិកលក្ខណៈឆ្គួតៗរបស់អ្នក
បុគ្គលិកលក្ខណៈឆ្គួតៗគឺជាធម្មតាសម្រាប់មនុស្សគ្រប់គ្នា។ មិត្តល្អរបស់អ្នកតែងតែស្រឡាញ់ នូវបុគ្គលិកលក្ខណៈទាំងនោះ ហើយបើគេពិតជាមិត្តល្អពិតប្រាកដ ពួកគេមានលក្ខណៈឆ្គួតៗដូចអ្នកដែរ។
៣. លើកលែងទោសឱ្យអ្នកគ្រប់យ៉ាង
មិត្តល្អពេលខ្លះអាចស្វែងយល់អំពីចិត្តរបស់អ្នកថា លោកអ្នកស្មុគស្មាញ ហើយមានកំហុស។ ពួកគេលើកលែងទោសឱ្យអ្នក ព្រោះគេឱ្យតម្លៃលើមិត្តភាពរបស់អ្នកជាងកំហុសរបស់អ្នក។
៤. តែងតែគាំទ្រអ្នកពីក្រោយខ្នង
វាមិនសំខាន់ថាអ្នកម្ខាងទៀតជាអ្នកណា ឬអ្នកមានបញ្ហាអ្វីឡើយ ទោះអ្នកខុសក៏ដោយ មិត្តល្អគឺតែងតែឈរនៅខាងអ្នក ហើយធ្វើអ្វីគ្រប់យ៉ាងដើម្បីអ្នក។
៥. អនុញ្ញាតឱ្យអ្នកស្វែងរកចំណង់ចំណូលចិត្តផ្ទាល់ខ្លួន
នៅពេលដែលយើងធំឡើង ពួកយើងចាប់ផ្ដើមរកឃើញនូវអ្វីដែលជាចំណាប់អារម្មណ៍ថ្មីៗ ហើយពេលខ្លះវាមិនដូចជាយើងកាលពីនៅក្មេង។ មិត្តក្លែងក្លាយតែងតែសើចចំអកឱ្យអ្នក ប៉ុន្តែមិត្តល្អគឺតែងតែលើកទឹកចិត្តអ្នកឱ្យស្វែងរកចំណាប់អារម្មណ៍ថ្មីៗសម្រាប់ខ្លួនអ្នកផ្ទាល់។
៦. ដឹងអំពីទម្លាប់មិនប្រក្រតីរបស់អ្នក
យើងតែងតែមានទម្លាប់មិនប្រក្រតី ឡប់ៗផ្ទាល់ខ្លួនរបស់យើង ដូចជាយើងជោរនៅពេលដែលយើងស្រវឹង ឬយើងញ៉ាំអាហារច្រើនៗជាដើមនោះ។ ហើយរឿងបែបហ្នឹងគឺមានតែមិត្តល្អរបស់អ្នកទេ ដែលបានដឹងរឿងគ្រប់យ៉ាងពីអ្នក។
៧. ពួកគេរក្សាទំនាក់ទំនងគ្រប់ពេល
មិត្តក្លែងក្លាយជាមនុស្សដែលទាក់ទងអ្នកនៅពេលតែពួកគេត្រូវការអ្វីពីអ្នក ឬដឹងរឿងអាក្រក់ ពីអ្នកដទៃយកមកប្រាប់អ្នកប៉ុណ្ណោះ។ ចំណែកឯមិត្តល្អតែងតែទាក់ទងអ្នកគ្រប់ពេល គ្រប់ទីកន្លែង និងដឹងសុខទុក្ខរបស់អ្នកគ្រប់ពេល។
៨. ពួកគេរក្សាអាថ៌កំបាំងរបស់អ្នក
មិត្តភក្ដិអាចជាមនុស្សដែលយើងជឿទុកចិត្តទី២បន្ទាប់អំពីសៀវភៅកំណត់ហេតុរបស់យើង។ មនុស្សដែលយើងអាចនិយាយរឿងអាថ៌កំបាំងប្រាប់បាន គឺជាមនុស្សដែលយើងមានទំនុកចិត្ត ហើយប្រសិនបើពួកគេជាមនុស្សដែលមិនអាចលាក់កំបាំងរបស់អ្នកបាន នោះពួកគេមិនសមជាមិត្តល្អរបស់អ្នកទេ។
៩. មិនចាំបាច់ស្លៀកពាក់ស្អាតដើម្បីទាក់ទាញទេ
ប្រសិនជាអ្នកស្លៀកពាក់ស្អាតបាត ធ្វើម៉ូតសក់ឡូយៗ ហើយត្រូវមានក្លិនក្រអូបនោះ ដូច្នេះអ្នកដឹងថាអ្នកមានមិត្តក្លែងក្លាយហើយព្រោះមិត្តល្អអាចដើរជាមួយអ្នកទោះបីជាអ្នកតែងខ្លួនយ៉ាង ណាក៏ដោយ។
១០. ពួកគេតែងមានពេលសម្រាប់អ្នក
ទោះបីជាគេមានពេលតែមួយម៉ោងសម្រាប់សម្រាកចន្លោះម៉ោងការងារ និងម៉ោងចូលរៀនក៏ដោយ មិត្តល្អតែងតែកំដរអ្នកញ៉ាំភេសជ្ជៈគ្រប់ពេល។
១១. ពួកគេតែងឱ្យស្មាទៅអ្នកផ្អែកពេលអ្នកយំ
លក្ខណៈសម្បត្តិចុងក្រោយរបស់មិត្តល្អគឺតែងតែឱ្យស្មាអ្នកផ្អែក ដើម្បីយំរៀបរាប់ពីទុក្ខសោក ហើយស្ដាប់រាល់ទុក្ខលំបាក និងរកដំណោះស្រាយឱ្យអ្នកជានិច្ច។
ប្រភព៖ cool1007
No comments:
Post a Comment